Beda Venerabilis, De arte metrica Ed.2, 1, XXIII. de metro trochaico tetrametro
| 1 | metrum trochaicum tetrametrum, quod a poetis Graecis et Latinis frequentissime ponitur, recipit locis omnibus trocheum, spondeum omnibus praeter tertium. |
| 2 | currit autem alternis uersiculis, ita ut prior habeat pedes quattuor, posterior pedes tres et syllabam. |
| 3 | huius exemplum totus est hymnus ille pulcherrimus: hymnum dicat turba fratrum, hymnum cantus personet, Cristo regi concinentes laudes demus debitas. |
| 4 | in quo aliquando et tertio loco prioris uersiculi spondeum reperies, ut: factor caeli, terrae factor; et: uerbis purgat leprae morbos. |