Beda Venerabilis, De arte metrica Ed.2, 1, XXI. de metro iambico tetrametro
| 1 | metrum iambicum tetrametrum recipit iambum locis omnibus, spondeum locis tantum inparibus. |
| 2 | quo scriptus est hymnus Sedulii: a solis ortus cardine adusque terrae limitem. |
| 3 | sed et Ambrosiani eo maxime currunt: deus creator omnium; iam surgit hora tertia; splendor paternae gloriae; aeterne rerum conditor; et ceteri perplures. |
| 4 | in quibus pulcherrimo est decore conpositus hymnus beatorum martyrum, cuius loca cuncta inparia spondeum, iambum tenent paria, cuius principium est: aeterna Cristi munera et martyrum uictorias, laudes ferentes debitas, laetis canamus mentibus. |
| 5 | recipit hoc metrum aliquoties, ut scribit Mallius Theodorus, etiam tribrachin locis omnibus praeter nouissimum, dactylum et anapestum locis tantum inparibus. |
| 6 | unde est: geminae gigans substantiae alacris ut currat uiam. |
| 7 | ceterorum rara habes exempla. |