| 1 | Ut generis clari, veterum sic femina morum Urbica, Censoris nobilitata thoro, Ingenitis pollens virtutibus, auctaque et illis, Quas docuit coniux, quas pater, et genitrix: Quas habuit Tanaquil, quas Pythagorea Theano, Quaeque sine exemplo est in nece functa viri. |
| 2 | Et tibi si fatum sic permutare dedisset, Viveret hoc nostro tempore Censor adhuc. |
| 3 | Sed neque tu viduo longum cruciata sub aevo, Protinus optato fine secuta virum. |
| 4 | Annua nunc moestis ferimus tibi iusta querelis, Cum genero et natis consocer Ausonius. |