| 1 | Qui ioca laetitiamque colis, qui tristia damnas, Nec metuis quemquam, nec metuendus agis: Qui nullum insidiis captas, nec lite lacessis, Sed iustam et clemens vitam agis, et sapiens: Tranquillos Manes, supremaque mitia Sancti Ore pio, et verbis advenerare bonis: Militiam nullo qui turbine sedulus egit: Praeside laetatus quo Rutupinus ager. |
| 2 | Octoginta annos cuius tranquilla senectus Nullo mutavit deteriore die. |
| 3 | Ergo precare favens: ut, qualia tempora vitae, Talia et ad manes otia Sanctus agat. |