| 1 | Tu quoque vel nuruis mihi nomine, vel vice natae Veria supremi carmen honoris habe. |
| 2 | Cuius si probitas, si forma et fama, fidesque Morigerae uxoris, lanificaeque manus, Nunc laudanda forent: procul et de manibus imis Arcessenda esset vox proavi Eusebii. |
| 3 | Qui quoniam functo iam pridem conditus aevo, Transcripsit partes in mea verba suas: Accipe funereas neptis defleta querelas; Coniux Arborii commemoranda mei. |
| 4 | Cui parva ingentis luctus solatia linquens Destituis natum: quo magis excrucias. |
| 5 | At tibi dilecti ne desit cura mariti, Iuncta colis thalamo nunc monumenta tuo. |
| 6 | Hic, ubi primus hymen, sedes ibi moesta sepulcri. |
| 7 | Nupta magis dici, quam tumulata potes. |