| 1 | O generis clari decus, o mihi funus acerbum, Euroni, e iuvenum lecte cohorte gener, Occidis in primae raptus mihi flore iuventae, Lactantis nati vix bene note pater. |
| 2 | Tu procerum de stirpe satus, praegressus et ipsos, Unde genus clarae nobilitatis erat. |
| 3 | Ore decens, bonus ingenio, facundus, et omni Dexteritate vigens, praecipuusque fide. |
| 4 | Hoc praefecturae sedes, hoc Illyris ora Praeside te experta est, fiscus et ipse cliens. |
| 5 | Nil aevi brevitate tamen tibi laudis ademptum. |
| 6 | Indole maturus, funere acerbus obis. |