| 1 | Si qua fuit virtus, cuperet quam femina prudens Esse suam, soror hac Dryadia enituit. |
| 2 | Quin etiam multas habuit, quas sexus habere Fortior optaret, nobilitasque virum. |
| 3 | Docta satis vitamque colo, famamque tueri: Docta bonos mores ipsa, suosque docens. |
| 4 | Et verum vita cui charius: unaque cura, Nosse Deum, et fratrem diligere ante alios. |
| 5 | Coniuge adhuc iuvenis caruit: sed seria vitam Moribus austeras aequiparavit anus. |
| 6 | Produxit celerem per sena decennia vitam, Inque domo, ac tecto, quo pater, oppetiit. |