| 1 | IN MEDEAE IMAGINEM. XXI. Medeam vellet cum pingere Timomachi mens volventem in natos crudum animo facinus, immanem exhausit rerum in diversa laborem, fingeret adfectum matris ut ambiguum. |
| 2 | ira subest lachrymis, miseratio non caret ira: alterutrum videas ut sit in alterutro. |
| 3 | lando Timomachum, matrem quod pinxit in ense cunctantem prolis sanguine ne maculet. |
| 4 | cunctantem satis est: nam digna est sanguine mater natorum, tua non dextera, Timomache. |