| 1 | Eunus Syriscus, inguinum liguritor, opicus magister (sic eum docet Phyllis), muliebre membrum quadriangulum cernit: triquetro coactu Δ litteram ducit. |
| 2 | de valle femorum altrinsecus pares rugas mediumque, fissi rima qua patet, callem Ψ dicit esse: nam trifissilis forma est. |
| 3 | cui ipse linguam cum dedit suam, Λ est veramque in illis esse Φ notam sentit. |
| 4 | quid, imperite, Ρ putas ibi scriptum, ubi locari Ι convenit longum. |
| 5 | miselle doctor, ΟΥ tibi sit obsceno tuumque nomen Θ sectilis signet. |