| 1 | 'Ore pulchro et ore muto scire vis quae sim'? volo. |
| 2 | 'imago Rufi rhetoris Pictavici'. |
| 3 | diceret set ipse vellem rhetor hoc mi. |
| 4 | 'non potest'. |
| 5 | cur? 'ipse rhetor est imago imaginis'. |
| 6 | XXXXVIII. SVB RVFI STATVA. 'Rhetoris haec Rufi statua est'? si saxea, Rufi. |
| 7 | 'cur id ais'? semper saxeus ipse fuit. |
| 8 | XXXXVIIII. DE DIOGENE. Pera polenta tribon baculus scyphus, arta supellex ista fuit Cynici: set putat hanc nimiam. |
| 9 | namque cavis manibus cernens potare bubulcum 'cur, scyphe, te', dixit, 'gesto supervacuum'? L. ITEM. Effigiem, rex Croese, tuam, ditissime regum, vidit aput manes Diogenes cynicus. |
| 10 | 'nil', inquit ibi, 'Croese, tuum: superant mihi cuncta. |
| 11 | nudus eram: sic sum, nil habui: hoc habeo'. |
| 12 | rex ait: 'haud egui, cum tu, mendice, carebas. |
| 13 | omnibus at careo? si modo non egeo'. |