| 1 | VERSVS MONOSYLLABIS TERMINATI EXORDIO LIBERO. PRAEFATIO. Vt in vetere proverbio ent 'sequitur vara vibiam', similium nugarum subtexo nequitiam. |
| 2 | et In versiculi monosyllabis terminantur, exordio tamen libero, quamquam fine legitimo. |
| 3 | sed laboravi, ut quantum eius possent aput aures indulgentissimas, absurda concinerent, insulsa resiperent, hiulca congruerent, denique haberent et amara dulcedinem et inepta venerem et aspera levitatem. |
| 4 | quae quidem omnia, quoniam insuavis materia devenustat, lectio benigna conciliet. |
| 5 | tu quoque mihi tua crede securior, quippe meliora, ut, quod per adagionem coepimus, proverbio finiamus et 'mutuum muli scalpant'. |
| 6 | Aemula dis, naturae imitatrix, omniparens ars, Pacato ut studeat ludus meus, esto operi dux. |
| 7 | arta, inamoena licet nec congrua carminibus lex, iudice sub tanto fandi tamen accipiet ins: quippe et ridiculis data gloria, ni prohibet fors. |