| 1 | Ephyra creatus huc Periander prodeo, Μελέτη τὸ πaν qui dixi et (hoc) dictum probo, meditationi inesse totum, quod [recte] geras. |
| 2 | is quippe solus rei gerendae est efficax, meditatur omne qui prius negotium. |
| 3 | adversa rerum vel secunda praedicat meditanda cunctis comicus Terentius. |
| 4 | locare sedes, bellum gerere aut ponere: magnas modicasque res, etiam parvas quoque agere volentem semper meditari decet. |
| 5 | nam segniores omnes in coeptis novis, meditatio si rei gerendae defuit. |
| 6 | nil est, quod ampliorem curam postulet, quam cogitare, quid gerendum sit. |
| 7 | dehinc incogitantes fors, non consilium regit. |
| 8 | sed ego me ad partes iam recipio. |
| 9 | plaudite meditaminique, ut [vestram] rem curetis publicam. |