| 1 | DE NIOBE IN SIPYLO MONTE IVXTA FONTEM SEPVLTA. Thebarum regina fui, Sipyleia cautes quae modo sum. |
| 2 | laesi numina Letoidum. |
| 3 | bis septem natis genetrix laeta atque superba tot duxi mater funera quot genui. |
| 4 | nec satis hoc divis: duro circumdata saxo amisi humani corporis effigiem. |
| 5 | sed dolor obstructis quamquam vitalibus haeret perpetuasque rigat fonte pio lacrimas. |
| 6 | pro facinus! tantaene animis caelestibus irae? durat adhuc luctus matris, imago perit. |