| 1 | ACILIO GLABRIONI GRAMMATICO IVN. BVRDIGALENSI. Doctrinae vitaeque pari brevitate caducum, Glabrio, te maestis commemorabo elegis, stemmate nobilium deductum nomen avorum, Glabrio † Aquilini, Dardana progenies. |
| 2 | tu quondam puero conpar mihi, discipulus mox meque dehinc facto rhetore grammaticus inque foro tutela reis et cultor in agris, digne, diu partis qui fruerere bonis, commode laete benigne abstemie, tam bone dandis semper consiliis, quam taciturne datis, tam decus omne tuis quam mox dolor, omnia acerbo funere praereptus. |
| 3 | Glabrio, destituis, uxore et natis, genitore et matre relictis, eheu quam multis perdite nominibus! flete diu nobis, numquam satis, accipe acerbum, Glabrio, in aeternum commemorate vale. |
| 4 | Glabrio, in aeternum commemorate vale. |