| 1 | AEMILIVS MAGNVS ARBORIVS RHETOR TOLOSAE. Inter cognatos iam fletus, avuncule, manes, inter rhetoricos nunc memorandus eris. |
| 2 | illud opus pietas, istud reverenda virorum nomina pro patriae relligione habeant. |
| 3 | bis meritum duplici celebremus honore parentem Arborium, Arborio patre et avo Argicio. |
| 4 | stemma tibi patris Haeduicum, Tarbellica Maurae matris origo fuit: ambo genus procerum. |
| 5 | nobilis et dotata uxor, domus et schola. |
| 6 | cultae principum amicitiae contigerunt iuveni, dum Constantini fratres opulenta Tolosa exilii specie sepositos cohibet. |
| 7 | Byzanti inde arcem Thressaeque Propontidis urbem Constantinopolim fama tui pepulit. |
| 8 | illic dives opum doctoque ibi Caesare honorus occumbis patribus, Magne, superstitibus. |
| 9 | in patriam set te sedem ac monumenta tuorum principis Augusti restituit pietas. |
| 10 | hic renovat causam lacrimis et flebile munus annuus ingrata relligione dies. |