| 1 | POMPONIA VRBICA CONSOCRVS VXOR IVLIANI CENSORIS. Vt generis clari, veterum sic femina morum Vrbica, Censoris nobilitata toro, ingenitis pollens virtutibus auctaque et illis, quas docuit coniunx. |
| 2 | quas pater et genetrix: quas habuit Tanaquil, quas Pythagorea Theano, quaeque sine exemplo in vice functa viri. |
| 3 | et tibi (si) fatum sic permutare dedisset, viveret hoc nostro tempore Censor adhuc. |
| 4 | set neque tu viduo longum cruciata sub aevo protinus optato fine secuta virum. |
| 5 | annua nunc maestis ferimus tibi iusta querellis. |
| 6 | cum genero et natis consocer Ausonius. |