monumenta.ch > Ausonius > 15.
Ausonius, Opuscula, XV. PARENTALIA., , 14. <<<     >>> 16.

Ausonius, Opuscula, XV. PARENTALIA., 15.

1 AVITIANVS FRATER.
Avitianum, Musa, germanum meum
dona querella funebri.
2 minor iste natu me, sed ingenio prior
artes paternas inbibit.
3 verum iuventae flore laeto perfrui
aevique supra puberis
exire metas vetuit infesta Atropos,
heu quem dolorem sociis!
(heu) quanta vitae decora, quam multum spei,
germane pubes, deseris ,
germane carnis lege et ortu sanguinis,
amore paene filius.
Ausonius HOME