| 1 | IVLIA DRYADIA SOROR. Si qua fuit virtus, cuperet quam femina prudens esse suam, soror hac Dryadia eminuit. |
| 2 | quin etiam multas habuit. |
| 3 | quas sexus habere fortior optaret nobilitasque virum: docta satis vitamque colu famamque tueri, docta bonos mores ipsa suosque docens: et verum vita cui carius unaque cura nosse deum et fratrem diligere ante alios. |
| 4 | coniuge adhuc iuvenis caruit, sed seria vitam moribus austeras aequiperavit anus. |
| 5 | produxit celibem per sena decennia vitam inque domo ac lecto, quo pater, oppetiit. |