monumenta.ch > Hrabanus Maurus > IV. > HOMILIA II. ITEM IN SABBATO SANCTO. Lectio sancti Evangelii secundum Matthaeum. > 12 > 7. QVOTAE KALENDAE SINT MENSVVM SINGVLORVM. > 5. > 4. > 6. > 1. > 3. ITEM DISTICHA. > III. > 1. > 1. > 1. > 1. > 20. > 7. > 9. > . . . > 1. > 1. > 1. > 1. > 8. > HOMILIA XIV. ITEM FERIA VI. Lectio sancti Evangelii secundum Matthaeum. > 3. > HOMILIA XCVIII. FERIA VI. Lectio sancti Evangelii secundum Marcum. > 5.
Ausonius, Opuscula, XV. PARENTALIA., , 4. <<<     >>> 6.

Ausonius, Opuscula, XV. PARENTALIA., 5.

1	AEMILIVS MAGNVS ARBORIVS AVVNCVLVS. Culta mihi est pietas patre primum et matre vocatis: diceris (id re fit) tertius Arborius.
2	quem primum memorare nefas mihi patre secundo.
3	rursum non primum ponere paene nefas.
4	temperies adhibenda . . . . . . . . . . . . ante alios, quamquam patre secundus erit.
5	tu frater genetricis et unanimis genitori et mihi, quoi fueris quod pater et genetrix.
6	qui me lactantem puerum iuvenemque virumque artibus ornasti, quas didicisse iuvat.
7	te sibi Palladiae antetulit toga docta Tolosae, te Narbonensis Gallia praeposuit, ornasti cuius Latio sermone tribunal et fora Hiberorum quaeque Novem populis.
8	hinc tenus Europam fama crescente perito Constantinopolis rhetore te viguit.
9	tu per mille modos, per mille oracula fandi doctus, facundus, tu celer atque memor.
10	tu, postquam primis placui tibi traditus annis, dixisti nato me satis esse tibi.
11	me tibi, me patribus darum decus esse professus dictasti fatis verba notanda meis.
12	ergo vale Elysiam sortitus, avuncule, sedem: haec tibi de musis carmina libo tuis.

Ausonius HOME