| 1 | Iane, veni: novus anne, veni: renovate veni, Sol, consulis Ausonii Latiam visure curulem. |
| 2 | ecquid ab Augusta nunc maiestate secundum quod mireris habes? Roma illa domusque Quirini et toga purpurei rutilans praetexta senati hoc capite aeternis signat sua tempora fastis. |
| 3 | anne, bonis coepte auspiciis, da vere salubri apricas ventorum auimas, da roscida Cancro solstitia et gelidum Boream Septembribus horis. |
| 4 | mordeat autumna frigus subtile pruina et tenuata modis cesset mediocribus aestas. |
| 5 | sementem notus umificet, sit bruma nivalis, dum pater antiqui renovatur Martins anni. |
| 6 | spiret odorato florum nova gratia Maio, Iulius et segetes coquat et mare temperet euris, Sirius ardentem non augeat igne Leonem, discolor arboreos variet Pomona sapores, mitiget autumnus, quod maturaverit aestas, et genialis hiemps parta sibi dote fruatur. |
| 7 | pacem mundus agat nec turbida sidera regnent. |
| 8 | nulla tuos, Gradive, offendat stella penates, quae non aequa tibi, non Cynthia, non celer Arcas, finitimus terris, non tu, Saturne, supremo ultime circuitu. |
| 9 | procul a Pyroente remotus tranquillum properabis iter. |
| 10 | vos comminus ite, stella salutigeri Iovis et Cythereie Vesper: non umquam hospitibus facilis Cyllenius absit. |
| 11 | Iane, veni: novus anne, veni: renovate veni Sol. |
| 12 | hostibus edomitis, qua Francia mixta Suebis certat ad obsequium, Latiis ut militet armis, qua vaga Sauromates sibi iunxerat agmina Chuni quaque Getes sociis Histrum adsultabat Alanis (hoc mihi praepetibus Victoria nuntiat alis), iam venit Augustus, nostros ut comat honores, officio exornans, quos participare cupisset. |
| 13 | Iane, veni: novus anne, veni: renovate veni Sol. |
| 14 | aurea venturo, Sol, porrige gaudia Iano: fascibus Ausonii succedet Caesar in annum, quintam Romulei praetextam habiturus honoris, ecce ubi se cumulat mea purpura (mitibus audi auribus hoc, Nemesis), post me dignatur oriri Augustus consul. |
| 15 | plus quam conferre videtur me sibi qui iussit nostros praecedere fasces. |
| 16 | Iane, veni: novus anne, veni: renovate veni Sol. |
| 17 | coge secuturos bis sena per ostia menses. |
| 18 | tu tropicum solido da cedere, rursus et illum terga dare, ut duplex tropico varietur ab astro et quater a ternis properet mutatio signis. |
| 19 | aestivos inpelle dies brumamque morantem aestivos inpelle dies brumamque morantem noctibus acceleret promissus Caesaris annus. |
| 20 | illum ego si cernam, turn terque quaterque beatus, tunc ero bis consul, tunc tangam vertice caelum. |