| 1 | Qui primus, MEROE, nomen tibi condidit, ille Thesidae nomen condidit Hippolyto. |
| 2 | Nam divinare est, nomen componere, quod sit Fortunae, morum, vel necis indicium. |
| 3 | Protesilae, tibi nomen sic fata dederunt: Victima quod Troiae prima futurus eras. |
| 4 | Idmona quod vatem, medicum quod Iapida dicunt, Discendas artes nomina praeveniunt. |
| 5 | Et tu sic, Meroe: non quod sis atra colore, Ut quae Niliaca nascitur in Meroe; Infusum sed quod vinum non diluis undis, Potare immixtum sueta merumque merum. |