| 1 | Quod autem Mariae dixit, Noli me tangere, nondum enim ascendi ad Patrem (Ioan. XX, 17), nihil aliud me intellexisse noveris, quam tu. |
| 2 | Ita enim significare voluit tactum spiritualem, id est, accessum fidei se requirere, qua creditur eum excelsum esse cum Patre. |
| 3 | Et quod ab illis duobus in fractione panis est agnitus (Luc. XXIV, 30, 31), Sacramentum esse quod nos in agnitionem suam congregat, nullus debet ambigere. |