Augustinus, Epistolae, 39, 2, 2.
| 1 | Nos in monasterio constituti, variis hinc inde fluctibus quatimur, et peregrinationis molestias sustinemus. |
| 2 | Sed credimus in eo qui dixit, « Confidite; ego vici mundum » (Ioan. XVI, 33), quod ipso tribuente et praesule, contra hostem diabolum victoriam consequamur. |
| 3 | Sanctum et venerabilem fratrem nostrum papam Alypium, ut meo obsequio salutes, obsecro. |
| 4 | Sancti fratres, qui nobiscum in monasterio Domino servire festinant, oppido te salutant. |
| 5 | Incolumem te et memorem mei, Christus Deus noster tueatur omnipotens, domine vere sancte et suscipiende papa. |