Augustinus, Epistolae, 23, 8.
| 1 | Episcopus meus Benevolentiae tuae fortasse potius litteras misisset, si esset praesens, aut ego illo vel iubente vel permittente scripsissem. |
| 2 | Sed illo absente cum diaconi rebaptizatio recens esse dicitur, frigescere actionem ipsam dilatione non passus sum, de fraterna et vera morte acerbissimi doloris aculeis excitatus. |
| 3 | Quem dolorem meum adiuvante misericordia et providentia Domini, pacis fortasse compensatio lenitura est. |
| 4 | Deus et Dominus noster tibi mentem pacatam inspirare dignetur, domine dilectissime frater. |