| 1 | NEBRIDIO AUGUSTINUS. 1 Recentissimis litteris tuis respondere malui; non quod contempserim praecedentia quaesita tua, minusve me delectaverint, sed quod in respondendo maiora quam opinaris molior. |
| 2 | Quanquam enim longiorem, quam longissima est, epistolam tibi mittendam esse praescripseris, non tamen tantum habemus otii, quantum existimas, et quantum nos semper optasse nosti et optamus. |
| 3 | Nec quaeras cur ita sit: illa enim facilius quibus impedior, quam cur impediar exposuerim. |