monumenta.ch > Augustinus > 17 > 1. 5 > 2 > 10 > 11 > 12.15 > 3. 4 > 9 IV > 1. 4 > 6.11 > 23 > 11 > 9 > 8.15 > 5. 8 > 22 > 1. 2 > 15 > 4. 5 > 24 > 5. 9 > 12.27 > 13 > 13 > 12.18 > 4. 4 > 30 > 18 > 37 > 6 > 79 > 4 > 44 > 12.25 > 4 > 3. 6 > 1. 3 > 36 > 28 > 43 XXXI > 8 > 40 > 6.12 > 17 > 6 > 20 > 72 > 8 > 36 > 16 > 22 > 6 > 40 > 4. 7 > 8 > 4 > 13
Augustinus, Epistolae, CAPUT IV., , 12. <<<     >>> 14.

Augustinus, Epistolae, DE PRAESENTIA DEI LIBER, SEU..., 4, 13.

1	Cum ergo sit corpus aliqua substantia, quantitas eius est in magnitudine molis eius; sanitas vero eius non quantitas, sed qualitas eius est.
2	Non ergo potuit obtinere quantitas corporis, quod potuit qualitas.
3	Nam ita distantibus partibus, quae simul esse non possunt, quoniam sua quaeque spatia locorum tenent, minores minora, et maiora maiores, non potuit esse in singulis quibusque partibus tota vel tanta; sed amplior est quantitas in amplioribus partibus, brevior in brevioribus, et in nulla parte tanta quanta per totum: qualitas vero corporis, quae sanitas dicitur, cum sanum corpus est totum, tanta est in maioribus, quanta in minoribus partibus; non enim quae minus magnae sunt, ideo minus sanae sunt, aut quae ampliores ideo saniores.
4	Absit ergo ut quod potest in corpore qualitas creati corporis, non possit in seipsa substantia Creatoris.

Augustinus HOME