| 1 | Postrema quaestio proposita est de Iona, nec ipsa quasi ex Porphyrio, sed tanquam ex irrisione Paganorum; sic enim posita est: Deinde quid sentire, inquit, debemus de Iona, qui dicitur in ventre ceti triduo fuisse; quod ἀπιθανὸν est et incredibile, transvoratum cum veste hominem, fuisse in corde piscis. |
| 2 | Aut si figura est, hanc dignaberis pandere. |
| 3 | Deinde quid sibi etiam illud vult supra evomitum Ionam cucurbitam natam (Ionae II, 1, et IV, 6): quid causae fuit, ut haec nasceretur? |
| 4 | Hoc enim genus quaestionis, multo cachinno a Paganis graviter irrisum animadverti. |