Augustinus, Epistolae, AD INQUISITIONES IANUARII LIBER PRIMUS,..., 5, 7.
| 1 | Nec ideo putari debet institutum esse multis locis, ut illo die post refectionem offeratur, quia scriptum est: Identidem et calicem post coenam dicens, etc. |
| 2 | Ipsam enim potuit appellare coenam, qua iam corpus acceperant, ut deinde calicem acciperent. |
| 3 | Apostolus namque alibi dicit, Convenientibus ergo vobis in unum, non est dominicam coenam manducare (I Cor. XI, 20), hanc ipsam acceptionem Eucharistiae dominicam coenam vocans. |