Augustinus, De Genesi ad litteram, 7, 1, 2.
| 1 | Ac primum illud videamus, quod scriptum est, Flavit, vel, Sufflavit in faciem eius flatum vitae. |
| 2 | Nonnulli enim codices habent, Spiravit, vel, Inspiravit in faciem eius. |
| 3 | Sed cum Graeci habeant ἐνεφύσησεν, non dubitatur flavit vel sufflavit esse dicendum. |
| 4 | Quaerehamus autem in superiori sermone de manibus Dei, cum homo de limo formatus cogitaretur: quid ergo nunc dicendum est in eo quod scriptum est, Sufflavit Deus, nisi quia sicut non manibus corporis finxit, ita nec faucibus labiisque sufflavit? |