Ambrosius, Epistolarum classis I, 63, 98.
| 1 | Sunt iuvenes, qui cito volunt ad senectutem pervenire; ne subiaceant diutius seniorum arbitrio: sunt etiam senes, qui velint, si possint, ad iuventutem redire. |
| 2 | Quorum studium neutrum probo; quia iuvenes fastidiosi praesentium, quasi ingrati mutationem vivendi requirunt, senes dilationem; cum possit et iuventus senescere moribus, et senectus virere operibus. |
| 3 | Neque enim emendationem morum magis aetas affert, quam disciplina. |
| 4 | Quanto ergo magis nos oportet spem attollere ad regnum Dei, ubi vitae novitas, ubi gratiae erit, non aetatis commutatio? |