Ambrosius, Epistolarum classis I, 63, 88.
| 1 | Denique primus eorum dixit: Argentum et aurum non habeo (Act. III, 6). |
| 2 | Gloriatur in paupertate, quasi refugiat contaminationem. |
| 3 | Argentum, inquit, et aurum non habeo: non, aurum et argentum. |
| 4 | Nescit ordinem, qui nescit usum. |
| 5 | Argentum et aurum non habeo, sed fidem habeo. |
| 6 | Satis dives sum in nomine Iesu, quod super omne nomen est (Philip. II, 9). |
| 7 | Argentum non habeo, sed nec requiro; aurum non habeo, sed nec desidero: sed habeo quod vos divites non habetis, habeo quod pluris esse etiam vos arbitremini, et dono pauperibus; ut in nomine Iesu dicam: Convalescite, manus remissae, et genua dissoluta (Esai. XXXV, 3). |