Ambrosius, Epistolarum classis I, 63, 87.
| 1 | Nolite in divitiis confidere; quia omnia illa hic relinquntur, sola vos comitabitur fides. |
| 2 | Erit sane etiam iustitia comes, si fides praevia sit. |
| 3 | Quid vos palpant divitiae? Non auro vel argento, non possessionibus, non sericis vestibus, de vana vestra conversatione redempti estis: sed pretioso sanguine Christi Iesu (Ibid., 18, 19). |
| 4 | Ille ergo dives est, qui fuerit haeres Dei, Christi cohaeres. |
| 5 | Noli pauperem contemnere, ille te divitem fecit. |
| 6 | Noli egentem fastidire: Iste pauper clamavit, et Dominus exaudivit eum (Psal. XXXIII, 6). |
| 7 | Noli inopem refutare: et Christus pauper factus est, cum dives esset: sed propter te pauper factus est; ut te inopia sua divitem faceret. |
| 8 | Noli quasi dives te attollere: sine pecunia misit apostolos suos. |