| 1 | Dignus plane vir qui sequendus proponatur omnibus; nam cum dira mors propter contumaces in plebem serperet, medium se inter viventes morientesque obiecit; ut mortem statueret, nec plures perirent (Num. XVI, 48). |
| 2 | Vere vir mentis et animi sacerdotalis, qui se pro Domini grege quasi pastor bonus pio obiiceret affectu. |
| 3 | Itaque infregit aculeum mortis, impetum tenuit, transitum negavit. |
| 4 | Pietas meritum adiuvit, quia pro ipsis se obtulit, qui resistebant. |