Ambrosius, Epistolarum classis I, 63, 40.
| 1 | Providus ductor multas ostendit vias, ut qua vult unusquisque, quam sibi accommodam arbitratur, incedat; dummodo occurrat, quo possit in castris praetendere. |
| 2 | Bona virginitatis via, sed sublimis et ardua validiores requirit. |
| 3 | Bona etiam viduitatis, non tam difficilis, ut superior: sed confragosa et aspera cautiores exigit. |
| 4 | Bona etiam matrimonii, plana et directa longiore circuitu ad castra sanctorum pervenit, ea plurimos recipit. |
| 5 | Sunt ergo virginitatis praemia, sunt merita viduitatis, est etiam coniugali pudicitiae locus. |
| 6 | Gradus singularum sunt et incrementa virtutum. |