Ambrosius, Epistolarum classis I, 63, 32.
| 1 | Sed non illa solum laudabilis, quae parca est ciborum temperantia, sed etiam illa quae concupiscentiae. |
| 2 | Denique scriptum est: Post concupiscentias tuas ne eas, et a voluptate tua vetare. |
| 3 | Si dederis animae tuae concupiscentiam, gaudio eris inimicis tuis (Eccl. XVIII, 30); et infra: Vinum et mulieres apostatare faciunt etiam sapientes (Eccl. XIX, 2). |
| 4 | Unde et Paulus etiam in ipsis coniugiis temperantiam docet (I Cor. VII, 2 et seq.); est enim velut quidam adulter incontinens in matrimonio, qui legem Apostolicam praevaricatur. |