| 1 | Denique Elias, quem Dominus ad virtutis erudiebat perfectionem, ad caput suum collyridam et vas aquae reperit, et ideo in virtute escae illius quadraginta diebus ieiunavit (III Reg. XIX, 6). |
| 2 | Patres nostri, cum mare transirent pedibus, aquam, non vinum bibebant (Exod. XVII, 6). |
| 3 | Daniel et Hebraei pueri patrio cibo, et aquae potu, ille furorem leonum repressit, illi ardentem ignem innoxio videre tactu circa membra sua pasci (Dan. I, XIV, III). |