Ambrosius, Epistolarum classis I, 63, 26.
| 1 | Quid autem pulchrius abstinentia, quae facit etiam iuventutis annos senescere; ut fiat morum senectus? Namque ut redundantia ciborum ac temulentia etiam maturior aetas calescit; ita mitigatur iuventutis ferocitas epularum parcimonia, irriguoque fontis. |
| 2 | Exterior ignis aquae infusione extinguitur, non mirum si etiam interior aestus corporis fluviali potu refrigeratur; cibo enim flamma alitur ac deficit. |
| 3 | Siquidem fenum, stipula, lignum, oleum, atque huiusmodi alimenta ignis sunt, quibus pascitur: ea si detrahas, vel non suggeras, etiam ignis sopitur. |
| 4 | Similiter ergo vapor corporis cibo alitur aut minuitur: cibo excitatur, cibo solvitur. |
| 5 | Luxuria igitur mater libidinis est. |