| 1 | Hic igitur quid verecundiae esset prophetae, ubi aliud gerebatur, et aliud figurabatur? Iudaei propter flagitia sua destituti a Domino Deo, coeperant vinci ab adversariis suis, conferre se volebant ad Aegyptios; ut sibi essent praesidio adversum Assyrios, qui redire magis ad fidem, si boni consulerent, debuissent. |
| 2 | Iratus Dominus significat vanam illos spem gerere, qui offensam Domini putarunt maiore peccato levandam; cum illi ipsi vincendi forent, in quorum auxiliis populus Iudaeorum confideret: hoc secundum historiam. |