monumenta.ch > Ambrosius > 15 > 12 > 7 > 2 > 8 > 9 > 1 > 6 > 7 > 8 > 9 > 10 > 9 > 1 > 23 > 15 > 5 > 2 > 2 > 19 > 11 > 7 > 4 > 1 > 1 > 6 > 3 > 8 > 1 > 9 > 1 > 8 > 9 > 5 > 2 > 9 > 9 > 6 > 4 > 8 > 1 > 2 > 2 > 3 > 7 > 11 > 7 > 1 > 1 > 1 > 1 > 9 > 1 > 1 > 5 > 10 > 1 > 9 > 9 > 15 > 4 > 9 > 7 > 2 > 5 > 2 > 3a > 3 > 1 > 8 > 22 > 6 > 1 > 4 > 1 > 7 > 7 > 1 > 4a > 1 > 3 > 2 > 6 > 8 > 2 > 9 > 11 > 5 > 6 > 8 > 5 > 9 > 2 > 9 > 7 > 7 > 4 > 4 > 1 > 8 > 1 > 3 > 8 > 3 > 5 > 1 > 8 > 8 > 9 > 2 > 1 > 1 > 4 > 7 > 8 > 5 > 5 > 3 > 8 > 1 > 2 > 2 > 2 > 4 > 7 > 2 > 1 > 4 > 25 > 8 > 1 > 3 > 3 > 1 > 8
Ambrosius, Epistolarum classis I, 58, 7. <<<     >>> 9.

Ambrosius, Epistolarum classis I, 58, 8.

1	Quod si quis adhuc dubitat, accipiat Evangelicum testimonium; dixit enim Dei Filius: Cantavimus vobis, et non saltastis (Matth. XI, 17).
2	Derelicti sunt itaque Iudaei, qui non saltaverunt, qui nescierunt manibus suis plaudere: adscitae sunt gentes, quae spiritalem Deo plausum dederunt.
3	Stultus enim complexus est manus suas, et devoravit viscera sua (Eccles. IV, 5), id est, corporalibus se implicavit negotiis, et devoravit viscera sua, sicut mors praevalens; et ideo non inveniet vitam aeternam: sapiens autem attollens opera sua, ut lucerent coram Patre suo, qui in coelis est (Matth. V, 16); non absumpsit, sed elevavit viscera sua usque ad resurrectionis gratiam.
4	Haec gloriosa sapientis saltatio, quam saltavit David; et ideo usque ad sedem Christi sublimitate spiritalis saltationis ascendit, ut videret atque audiret dicentem Dominum Domino suo: Sede a dextris meis (Psal. CII, 1).

Ambrosius HOME