Ambrosius, Epistolarum classis I, 48, 3

1	Assume igitur benevolenti animo aurem versutiae, et pertracta omnia, sermones vellica; si in iis non forenses blanditiae, et suasoria verba, sed fidei sinceritas est, et confessionis sobrietas.
2	Notam appone ad verbum dubii ponderis, et fallacis staterae; ne quid pro se esse adversarius interpretetur.
3	Esto ut revincatur, si congredi coeperit: male se habet liber, qui sine assertore non defenditur.
4	Ipse igitur pro se loquutur, qui procedit sine interprete: noster hic tamen non egredietur a nobis, nisi a te acceperit auctoritatem.
5	Itaque cum eum fide tua prodire iusseris, committetur sibi.