Ambrosius, Epistolarum classis I, 41, 21.
| 1 | Synagoga hoc oleum non habet, quae olivam non habet, quae non intellexit illam columbam, quae ramum oleae detulit post diluvium (Gen. VIII, 11). |
| 2 | Illa enim columba postea descendit, cum Christus baptizaretur, et mansit super eum, sicut in Evangelio testatur Ioannes dicens: Quia vidi Spiritum descendentem de coelo quasi columbam, et mansit super eum (Ioan. I, 32). |
| 3 | Quomodo ergo vidit columbam, qui non vidit eum, super quem Spiritus quasi columba descendit? |