Ambrosius, Epistolarum classis I, 41, 15.
| 1 | De specialis quoque gratiae infusione eadem te Scriptura docet, quod osculetur Christum, qui accipit Spiritum, dicente propheta sancto: Os meum aperui, et attraxi Spiritum (Psal. CXVIII, 131). |
| 2 | Osculatur ergo Christum, qui confitetur illum: Corde enim creditur ad iustitiam, ore autem confessio fit ad salutem (Rom. X, 10). |
| 3 | Osculatur vero pedes Christi, qui Evangelium legens, Domini Iesu gesta cognoscit et pio miratur affectu; ideoque religioso osculo velut quaedam deambulantis Domini lambit vestigia. |
| 4 | Osculamur ergo Christum communionis osculo: Qui legit, intelligat (Matth. XXIV, 15). |