| 1 | Quanti se offerre habent tali optioni; cum meminerint tempore Iuliani illum, qui aram deiecit, et turbavit sacrificium, damnatum a iudice fecisse martyrium? Itaque numquam alias ille iudex, qui audivit eum, nisi persecutor habitus est; nemo illum congressu, nemo illum umquam osculo dignum putavit. |
| 2 | Qui nisi iam esset defunctus, timerem, Imperator, ne in eum tu vindicares, quamquam vindictam coelestem non evaserit, suo superstes haeredi. |