Ambrosius, Epistolarum classis I, 40, 15.
| 1 | At certe si iure gentium agerem, dicerem quantas Ecclesiae basilicas Iudaei tempore imperii Iuliani incenderint. |
| 2 | Duas Damasci, quarum una vix reparata est, sed Ecclesiae, non synagogae impendiis: altera basilica informibus horret ruinis. |
| 3 | Incensae sunt basilicae Gazis, Ascalonae, Beryto, et illis fere locis omnibus, et vindictam nemo quaesivit. |
| 4 | Incensa est basilica et Alexandriae a gentilibus et Iudaeis, quae sola praestabat caeteris. |
| 5 | Ecclesia non vindicata est, vindicabitur synagoga? |