Ambrosius, Epistolarum classis I, 37, 43.
| 1 | Sunt enim nostra membra arma iustitiae, sunt et arma peccati. |
| 2 | Si elevantur, arma iustitiae sunt, ut peccatum in his non dominetur: si mortuum fuerit corpus nostrum peccato, non regnabit in eo culpa, et erunt membra nostra a peccato libera. |
| 3 | Non obediamus igitur cupiditatibus eius, neque exhibeamus membra nostra arma iniquitatis peccato. |
| 4 | Si videris mulierem ad concupiscendum eam, membra tua arma peccati sunt. |
| 5 | Si locutus es ad sollicitandam eam, lingua tua et os tuum membra peccati sunt. |
| 6 | Si abstulisti terminos a patribus positos, membra tua arma peccati sunt. |
| 7 | Si festinasti velocioribus pedibus ad effundendum innocentium sanguinem, membra tua arma iniquitatis sunt. |