Ambrosius, Epistolarum classis I, 37, 39.
| 1 | At non ille cui dominatur ira, subiicitur enim iugo peccati; homo etiam iracundus peccatum effodit (Prov. XXIX, 22): Qui autem peccatum facit, servus est peccati (Ioan. VIII, 34). |
| 2 | At non ille liber, qui servit avaritiae; non potest enim possidere vas suum. |
| 3 | Non ille liber, qui serviens desideriis et voluptatibus, vago fluitat errore. |
| 4 | Non ille liber, qui curvatur ambitu; servit enim alieno imperio. |
| 5 | Sed ille liber, qui potest dicere: Omnia mihi licent, sed non omnia mihi utilia; omnia mihi licent, sed ego sub nullius redigar potestate. Esca ventri, et venter escis (I Cor. VI, 12). |
| 6 | Ille liber, qui ait: Quid enim libertas nostra iudicatur ab infideli conscientia (Ibid., 13)? |