| 1 | Est ergo sapienti et servire libertas. |
| 2 | Unde colligitur quia stulto et imperare servitus est; et quod peius est, cum paucioribus praesit, pluribus dominis et gravioribus servit. |
| 3 | Servit enim propriis passionibus, servit cupiditatibus suis, quarum dominatum nec nocte potest fugere, nec die; quia intra se dominos habet, intra se servitium patitur intolerabile, Gemina enim servitus est, altera corporis, animarum altera: domini autem corporis quidem homines, animarum autem malitiae et passiones, a quibus sola animi libertas sapientem vindicat; ut servitio ei liceat exire. |