Ambrosius, Epistolarum classis I, 34, 6.
| 1 | Docuit igitur Apostolus quod humani generis creatura subiecta vanitati sit. |
| 2 | Quid enim tam homo, quam anima eius? De consortibus eius dicit: Cum sumus in corpore isto, ingemiscimus gravati (II Cor. V, 4). |
| 3 | Sed et David dicit: Homo vanitati similis factus est (Psal. CXLIII, 4); et: Universa vanitas, omnis homo vivens (Psal. XXXVIII, 6). |
| 4 | Vita itaque hominis in hoc saeculo vanitas est. |
| 5 | Huic vanitati subiecta est anima. |
| 6 | Itaque sanctus cum facit quae sunt corporis, non sponte facit, non volens, sed propter eum qui subiecit in spe (Rom. VIII, 20), facit ut ei pareat. |
| 7 | Ab hoc igitur exemplo animae progrediamur ad creaturas reliquas. |