| 1 | Haec est anima illa, quam Lex demonstrat tibi in specie mulieris bonae, quam si videris in praeda, et concupieris accipere in uxorem tibi: Induces, inquit, eam in domum tuam (Deut. XXI, 11 et seq.); ut tota ei committas interiora domus tuae, omnium tuorum viscerum possessionem, auferas eius superflua, tondeas lapsus; et novacula non satis acuta, ne faciat dolum, tuarum exuvias passionum, atque inanes sensus recidas. |
| 3 | Et sedebit, inquit, triginta diebus in domo tua (Eccles. II, 14), peccata propriae deplorans nativitatis, et commenta nequissimi patris diaboli, qui vult congregare, quae non generavit (Ierem. XVII, 11); ut huius mystici numeri purificatione mundata, coniugii claves adipiscatur. |