| 1 | Hac fide fretus etiam qui infirmus est, praevalebit, et erit sancta anima eius, et stillabunt ei montes prophetici (Ioel III, 18), vel apostolici dulcedinem, et colles fluent lac: qualis ille collis, qui lactis potum Corinthiis dabat (I Cor. III, 2); et fluent ei aquae de suis vasis, et de puteorum suorum fontibus: vel de ventre eius aquae vivae, spiritales videlicet quas fidelibus suis Spiritus sanctus ministrat, qui etiam animam tuam dignetur rigare, ut abundet in te fons aquae salientis in vitam aeternam. |